Romanisasion ti Insik

Ti Romanisasion ti Insik ket ti panagusar ti alpabeto a Latin tapno maisurat ti Insik. Ti Insik ket agus-usar iti sinuratan a logograpik, ken dagiti karakterna ket saan a dagus a mangirepresenta kadagiti ponema. Adda metten dagiti adu a sistema nga agus-usar kadagiti karakter ti Romano tapno mangirepresenta ti Insik iti amin a paset ti pakasaritaan. Linaglagip ni lingguista Daniel Kane, "Naibagbaga idi a ti sinologo ket nasken a kasla dagiti musikero, a mabalin nga agsurat iti maysa a tekla ken sisasagana a mangisurat kadagiti sabali a tekla."^[1] Nupay kasta, ti Hanyu Pinyin ket nagbalinen a ti internasional a pagalagadan manipud idi 1982. Dagiti adu pay nga ammo a sistema ket mairaman ti Wade-Giles ken ti Yale a Romanisasion.

Adu dagiti usar para iti Romanisasion ti Insik. Daytoy ket agserbi iti naserbi a ramit para kadagiti gangganaet nga agad-adal iti Insik babaen ti panangibaga ti pannakabalikas kadagiti saan a pamiliar a karakter. Daytoy ket makatulong pay para iti panangipalawag ti panangibalikas — ti panangibalikas ti Insik ket parikut kadagiti dadduma nga agsasao iti sabali a saan nga agsinnaranay a maawatan a karkaruay ti Insik a saan a nalaing a makasao iti Mandarin. Dagiti pagalagadan a tekla a kas ti QWERTY ket naidesinio dagitoy para iti alpabeto a Latin, a masansan a mangaramid a narigat iti panangikabil kadagiti karakter iti insik iti kompiuter. Dagiti diksionario ti Insik ket addaanda iti narikut nga alagaden iti panagurnos para kadagiti karakter, ken dagiti sistema ti romanisasion ket mabalin a mangpalaka ti problema babaen ti panangilista kadagiti karakter babaen ti alpabetiko a pormada iti Latin.